Интерсекс е термин кој ги опфаќа искуства на луѓето чии тела од раѓање не можат да се дефинираат како типично женски или машки, и на тој начин не ги исполнуваат општествените очекувања. Ние сме личности родени со полови карактеристики кои истовремено се и машки и женски, или не се во целост женски или машки, или не се ни женски ни машки. Нашите полови карактеристики и нашите тела се здрава варијација на половите.

Има различни варијации на вродените полови карактеристики: внатрешни и/или надворешни гениталии, хромозоми и/или хормонална структура кои не се вклопуваат во општенстените и медицинските очекувања, како и други полови карактеристики како што е мускулатурната маса, распореденост на влакна на телото, растот, се само некои од нив.

И покрај тоа што сме родени со поинакви полови карактеристики, тие не мора да бидат видливи при раѓањето. Тело кое има поинакви (интерсекс) полови карактеристики може да се формира пренатално, да биде препознатливо при раѓањето, во текот на детството , во пубертетот или во зрелата возраст. Едно лице може да се препознае дека е интерсекс во раното детство или подоцна во текот на животот. Зависно од животните околности и специфичностите на телото, некои интерсекс луѓе може нкогаш да не откријат дека се интерсекс.

Ако сте интерскс можеби имате или сте имале слични искуства : сте имале медицинска или хируршка интервенција во текот на детството, адолесценцијата (пубертетот) и/или како возрасна личност; ви рекле дека интервенцијате се извршила затоа што вашето тело се разликува од другите; сте добиле дијагноза поврзана со „пореметување на половиот развој„ или било кои други диагнози кои се однесуваат на интерсексуалноста или хермафродизам; сте биле или сте малтретирани затоа што вашето тело има поинакви карактеристики.

Интерсекс луѓето остануваат невидливи – Многу често интерсексуалноста се поврзува со табу и срам. Ако не можете да најдете сведоштва на сопствениот јазик, тоа не значи дека во вашата земја нема интерсекс луѓе. Тоа едноставно значи дека тие не се доволно слободни да зборуваат за тоа. Ако сте интерсекс лице и сакате да допринесете на оваа веб страна или сакате да стапите во контакт со нас, ние со задоволство ќе ве сослушаме.
Ако ја нема содржината на вашиот јазик, ќе бидете префрлени на англиската верзија на веб страницата

Интерсекс луѓето низ цела Европа се соочуваат со сериозно прекршување на човековите права, вклучувајќи патологизација на сопствените тела; медицински интервенции без лична, претходна, адекватна и целосно информирана согласност; насилство врз физичкиот интегритет; психолошки трауми, невидливост, стигма, структурна и вербална дискриминација, малтретирање ;недостаток на пристап до релевантни/ неопходни лекови (терапии) и недостаток на правно признавање.

Сето ова може да доведе до нови хируршки интервенции, доживотно земање на хормони, нарушување на здравјето, како и до дополнителни ризици од прекинување на школувањето кое придонесува кон неадекватно образование, прекинати кариери и сиромаштија (вклучувајќи и бездомништво). Причина за ова се патологизацијата и траумите кои ги доживуваат луѓето;проблематични и нарушени семејни односи што се должи на табу и на медикализација ; недостаток на самодоверба и голем ризик од обид за самоубиство.

OII Europe е чадор оганизација на европски организации кои работат на човековите права на интерсекс луѓето. Организациите работат на промоција на самосвеста, видливост и препознавање на интерсекс луѓето во Европа и во светот. OII Europe е формирана на денот на Човековите права, 10 Декември , за време на Вториот интерсекс форум во Стокхолм 2012, а официјално е регистрирана како хуманитарна невладина организација во 2016.

За додатни информации, посетете не на oiieurope.org